هەوڵێکی نەزۆکی دیکەی سپای پاسدارانی ڕێژیم لە شاری شنۆ

کوردستان میدیا: بەرپرسان و هێزەکانی سپای پاسداران لە شاری شنۆ به هۆی ترس و تۆقینیان لە چالاکیی خەڵک، کاسبکاران دەپشکنن و ئازاریان دەدەن.

بەپێی هەواڵی گەیشتوو بە ماڵپەڕی کوردستان میدیا، ماوه‌یه‌که‌ هێزه‌ سەرکوتکەرەکانی سپای پاسدارانی ڕێژیم لە شاری شنۆ، به‌ ده‌ستوری “عابدینی” فه‌رمانده‌ی سپای تێرۆریست لەو شارە، له‌ کاتی بەرەوڕوو بوونیان لەگەڵ “چه‌رچی و فرۆشیاره‌ گه‌ڕۆکه‌کان”، کارتی پێناسیان لێ وه‌رده‌گرن و پێیان ده‌ڵێن؛ “وه‌رن له‌ سپا ڕادەستتانی ده‌که‌ینەوە”.

هەواڵنێری کوردستان میدیا لەو بارەیەوە ڕایگەیاندووە که؛ کارتی پێناسی زیاتر له‌ ٥٠ چه‌رچی وه‌رگیراوە، که‌ له‌ کاتی سه‌ردان بۆ سپای پاسداران بو وه‌رگرتنه‌وه‌ی پێناسه‌کانیان له‌ لایه‌ن به‌رپرسانی ئه‌و ئۆرگانه‌ سه‌رکوتکه‌ره‌، داوایان لێ کراوه‌ به‌ حوکمی ئه‌وه‌ی که‌ ئه‌وان له‌ دێهات و ناوچه‌ جۆربه‌جۆره‌کاندا ده‌گه‌ڕێن و خه‌ڵک ده‌بینن، هه‌ر زانیارییه‌کیان له‌ سه‌ر پێشمه‌رگه‌ و ئه‌ندامانی حیزبی دێموکراتی کوردستانی ئێران به‌ر‌ ده‌ست که‌وت، له‌ ڕێگای تەلەفوونەوە سپا ئاگادار بکه‌نه‌وه‌.

په‌نا بردن بو ده‌ستفروش و چه‌رچییه‌کان، دوایین هەوڵی نەزۆکی هێزه‌کانی ڕێژیمه‌ بو به‌رنگار بوونه‌وه‌ی ڕاسانی ڕۆژهه‌ڵات.