جەژنی 25ـی گەلاوێژ لە كالمار پیرۆز راگیرا

ڕۆژی شەممە ڕێکەوتی 17/08/2019 بە بەشداریی ژمارەیەكی بەرچاو لە ئەندام و لایەنگرانی حیزبی دیمۆكراتی كوردستانی ئێران و لەسەر ئەركی کۆمیتەی کالماری حیزب لەو شارە ئاهنگێکی شایستە بەبۆنەی 25ـی گەلاوێژەوە بەڕێوەچوو.
لە رێوڕەسمەكەدا شاندێكی پارتی دیموکراتی كوردستان و ژمارەیەك لە هاوڕێیانی کوردی رۆژئاوا بەشدار بوون.

بەرنامەكە بە سروودی نەتەوەیی “ئەی رەقیب” و خولەكێك بێدەنگی بۆ رێزگرتن لە گیانی پاكی شەهیدان دەستی پێكرد.
دواتر پەیامی کۆمیتەی کالمار لەلایەن کاک محەمەد ڕەسووڵی بەرپرسی کۆمیتەوە پێشکێش کرا.
پاشان پەیامی کۆمیتەی گشتی لەلایەن کاک ئەبووکر رەحمانیەوە پێشكێش كرا، هەروەها پەیامی لاوان و ژنان و یەکێتیی کوردان لەلایەن کاک نزار ئەلیاسیەوە پێشکێشی ئامادەبووان کرا.
لە بەشێكی تردا، سپاسی پەیامی پیرۆزبایی پارتی دیموكراتی كوردستان بۆ یادی 25ـی گەلاوێژ كرا.
بەشێكی تری بەرنامەکە تایبەت بوو بە باسێكی سیاسی تایبەت بە حیزبی دیمۆكرات كە لەلایەن کاک بەرزوو ئەلیاسی مامۆستای زانکۆ گفتوگۆی لەسەر كرا و تەمەنی پڕ لە سەرەوەریی و بێ وچانی خەباتی 74 ساڵەی حیزبی دیمۆكراتی كوردستانی ئێرانی بۆ بەشداران وێنا كرد.
لە بڕگەی كۆتای بەرنامەكەدا بە شایی و هەڵپەڕكێی كوردەواری ئەو یادە نەتەوەیی و نیشتمانییە پیرۆزتر كرا كە تا كاتژمێر 18:00 بەردەوام بوو.

????????????????????????????????????