راپۆرتی به‌شداربوونی هه‌یئه‌تێكی حیزبی له‌ رۆژی كۆمه‌ڵه‌ رێكخراوی كوردستانی حیزبی كۆمۆنیستی ئێران له‌ ستۆكهۆڵم

 راپۆرتی به‌شداربوونی هه‌یئه‌تێكی حیزبی له‌ رۆژی كۆمه‌ڵه‌ رێكخراوی كوردستانی حیزبی كۆمۆنیستی ئێران له‌ ستۆكهۆڵم

رۆژی شه‌ممه‌ رێكه‌وتی ٢٣ی فه‌وریه‌ی ٢٠١٩ هه‌یئه‌تێك له‌ ئه‌ندامانی حیزبی دێمۆكراتی كوردستانی ئێران له‌ شاری ستۆكهۆڵم له‌ سه‌ر بانگهێشتنی كۆمه‌ڵه‌ رێكخراوی كوردستانی حیزبی كۆمۆنیستی ئێران‌، به‌شداری مه‌راسیمی یادی دامه‌زراندنی كۆمه‌ڵه‌یان كرد كه‌ ‌ له‌لایه‌ن هاورێیانی كۆمه‌ڵه‌وه‌ به‌ گه‌رمی پێشوازیان لێ كرا.

هاورێیانی حیزبی دێمۆکرات په‌یامی پیرۆزبایی حیزبیان به‌وبۆنه‌یه‌وه‌ له‌گه‌ڵ چه‌پكه‌ گۆڵێكدا پێشكه‌ش به‌ به‌رێوه‌به‌رانی ساڵیادی دامه‌زراندنی كۆمه‌ڵه‌ كرد.

له‌ به‌شێك له‌ په‌یامی پیرۆزبایی هه‌یئه‌تی حیزبیدا هاتبوو: 

هەروەک ئاگادارن کە ئەمرۆ کوردستان بە هەلومەرجێکی زۆر ناسک و هەستیاردا تێدەپەرێ. دوژمنانی نەتەوەکەمان زیاتر لە جاران رق و قینی نامرۆڤانەیان بەسەر گەلەکەمان و خاکی ولاتەکەمان دادەرێژن و لە هیچ چەشنە دوژمنکاریەک و سەرکووتی بێبەزەییانەی گەلەکەمان و کوشت و کوشتاری ژن و منداڵی بێدیفاعی کورد سڵ ناکەنەوە. لەم راستایەدا پێمانوایە کە مەزنترین و گرینگرین ئەرکی ئێمە بەگشتی، حیزبەکانی کوردستان و خەڵکی بەتواناو لێهاتوویە کە یەکریزی و یەکیەتی خۆمان بۆ بەرەنگاربوونەوەی سیاسەت و ماشینی کوشتوبری دوژمنانمان بەتایبەتی رێژێمی جینایەتکارو کوردکۆژی کۆماری ئیسلامی بخەینەگەرو سیاسەتی پاکتاوکردن و زەبرو زەنگی ئەو رێژیمە زیاتر لە جاران لە نێو کۆرو کۆمەڵە نێودەوڵەتیەکاندا لەقاو بدەین و ریسوا بکەین.

جارێکی دیکە پیرۆزباییەکانی گەرمی خۆمان پێشکەش بە هەموو ئەندامان و لایەنگرانی رێكخراوه‌كه‌تان دەکەین و هیوادارین بە دەست پێکردنی سالێکی نوێ لە خەبات و تێکۆشانتان، گەلەکەمان بە ماف و ئازادیەکانی بگاو جێژنی سەرکەوتن لە وڵاتێکی ئازاد و سەربەستدا به‌یه‌کەوە بگرین.

شایانی گوتنه‌ ‌كه‌ هه‌یئه‌تی به‌شداربووانی حیزب به‌سه‌رپه‌رستی عوسمان مه‌حموودی و هاورێیه‌تی به‌رێزان ساڵح نه‌ڵۆسی و حامید نه‌سیری بوون.

كۆمیته‌ی گشتی حیزبی دێمۆكراتی كوردستانی ئێران – سوئێد

This image has an empty alt attribute; its file name is 53198258_407444530012525_967960889783222272_n-kopia.jpg