٧٣هەمین ساڵڕۆژی دامەزراندنی حیزب لە شاری یوتەبۆری سوید بەرز ڕاگیرا

بەرێوەچونی رێورەسمی ٢٥ی گەلاوێژ ساڵڕۆژی دامەزرانی حیزبی دێموکراتی کوردستانی ئێران.    لە وڵاتی سوئێد.

ڕۆژی ١١/٨/٢٠١٨ کاتژمێر ٦ی ئێوارە  لە لاێەن کۆمیتەی حیزبی دێمۆکراتی کوردستانی ئێران بە هاوکاری یەکێتی کوردان لە شاری یوتوبۆری  بە بەشداری دۆستان ولایەنگران وئەندامانی حیزب ، نوێنەرانی لایەنە سیاسییەکان ، رێکخراوە کورد و کوردستانیەکان و کوردانی دانیشتووی ئەو شارە، ڕێوڕەسمێکی بەشکۆیان بە ڕێوە برد.                                                                    سەرەتا بەخێرهێنانی بەشداربووان لە لایەن بەڕێوەبەری بەرنامەکە بەڕێز فەرزاد جلۆزان بە سروودی نەتەوایەتی ئەی ڕەقیب و چەند ساتێک بێ دەنگی بۆ  ڕیزگرتن گیانی پاکی شەهیدان، ڕێوڕەسمەکە دەستی پێکرد.  بە دوای ئەودا په‌یامی کۆمیتەی حیزب لە لایەن بەڕێز ئەنوەر مەحمودزادە بەرپرسی کۆمیتە به‌ بۆنه‌ی ٧٣هەمین  ساڵرۆژی دامه‌زرانی حیزبی دیموکراتی کوردستان پێشکەش کرا. جێگای ئاماژە پێکردنە هێئەتێکی کۆمیتەی گشتی حدکا لە وڵاتی سوئێد بە سەرپەرستی بەرێز کاكە برا ئەلیاسی بەشداری ئەم یادە پڕ شکۆیە بوون و هەروەها لە لایەن بەرێز سالح پالانی بەو بۆنەوە پەیامی کۆمیتەی گشتی ئاراستەی بەشداربووان کرد.

ئەوجار چەند پەیامێک و بروسکەی پیرۆزبایی حیزب وریکخراوە سیاسی ومە دەنییەکان، بۆ بەرز ڕاگرتنی جێژنی 25 ی گەلاویژ لەلایەن نوێنەرەکانیان و بەرێوەبەری بەرنامەکە، پێشکەش بە بەشداربووان کرا. کە بریتی بوون لە پەیامی کۆمیتەی هاوکاری هێزە سیاسییەکانی  کورد وکوردستانی لە شاری یوتوبۆری، پەیامی رێکخراوی سوسیاڵ دێموکراتەکانی کوردی”یوتوبۆری” هەروەها بروسکەی بزوتنەوەی گۆڕان و کۆمەڵەی کولتوری کوردی.

دووهەم بڕگەی بەرنامەکە، میوانداری لە بەشداران وموسیقا وهەڵپەرکێ بوو کە بەشی موزیک لە لایەن هونەرمەند فەریبورز کەڕەمی و پەیمان دژهەنگ بە بەشداری گروپی هەڵپەرکێ کوردی” ژینۆ” پێشکەش کرا و بەشداربووان تادرەنگانی شەو هەڵپەرین و شادی  یادی 25 ی گەلاوێژیان بەرز و پیرۆز ڕاگرت. رێورەسمەکە لە کاتژمێر ١١ی شەو کۆتایی هات.

کۆمیتەی حیزبی دێمۆکراتی کوردستانی ئێران- یوتوبۆری