کاک سەعید کویستانی تێکۆشەری دێرین لە نیو ئاپۆرای خەڵک لە شاری ئویرەبروو بە خاک سپێردرا

ئەو ڕۆ هەینی ١٠ ئاگووستی ٢٠١٨ تەرمی کۆچ کردوو کاک سەعید کویستانی ئەندامی تێکۆشەری ڕیزەکانی حیزبی دێموکراتی کوردستانی ئێران لە شاری ئویرەبرووی سوید لە نێو ئاپۆرای خەڵکیکی بەڕچاو لە ئەندامانی حیزب لە وڵاتی سوید،   نورویژ و دانمارک و جەماوەریکی زۆری خەڵک بە خاک سپێردرا. لە ڕێوڕەسمی خاک سپاری نەمر کاک سەعید، هیئەتێکی کومیتەی گشتی حیزب لە وڵاتی  بە سەرپەرەستی کاک مەنسوور عەزیزی  بەرپرسی تەشکیلاتی حیزب لە دەرەوەی ولات بەشدار بوون.

لە دەسپێکی  ڕیورەسمی خاک سپاری کاک سەعید دا  بە پیشاندانی کۆمەڵیک وێنە و وەسیەتنامەی کاک سەعید  وپاشان خویندنەوەی ژیاننامەی خوالێخوشبوو لە لایەن کاک حوسەین ئازەریەوە  بەرنامەکانی ئەو ڕیورەسمە دەستی پێ کرد.،پاشان پەیامی  هاوخەمی لێپرسراوی گشتی حیزبی دێموکراتی کوردستانی ئێران  تێکۆشەرکاک مستەفا هیجری خویندرایەوە. کاک مستەفا لە ئەو کورتە پەیامی دەنگیەدا وێرای بەداخ بوون بۆ کۆچی ناوبرا،  سەرەخوشی گەرمی  پێشکەش بە بنەماڵەی هاوڕیی کۆچکردوو کاک  سەعید کرد وباسی ئاشنایەتی خویی لە گەڵ ڕەوانشاد کاک سەعید کردو بە کەسایەتیکی شۆڕشگێڕ و با وەفای ناوبرد.

لە درێژەی ئەو مراسیمەدا کاک مەنسوور عەزیزی بەرپرسی تەشکیلاتی حیزب لە دەرەوەی وڵات چەند وتەیەکی بەنرخی لە پیوەندی لە گەڵ خەبات و تێکۆشانی کاک سەعید و ئەرکی ئەندامان و تێکۆشەرانی کوردی بۆ ئەو قۆناغەی ئیستای کورد پێشکەش کرد و یاد و بیرەوەرییەکانی کاک سەعیدی بەرز نرخاند. لە بڕگەیەکی دیکەی ئەو ڕیوڕەسمەدا پەیامی کومیتەی سویدی حیزبی دێموکراتی کوردستانی ئێران لە لایەن کاکەبرا ئەلیاسی بەرپرسی کومیتەی حیزب پێشکەش کرا. شایانی باسە چەند حیزب و لایەنی سیاسی لە ئەو مراسیمەدا پەیامی هاوخەمیان پێشکەش کرد.