به‌رێوه‌چوونی كۆری پرسه‌ی ماته‌مینی زێنه‌ب خانمی شه‌ره‌فكه‌ندی

به‌رێوه‌چوونی كۆری پرسه‌ی ماته‌مینی زێنه‌ب خانمی شه‌ره‌فكه‌ندی

رۆژی یه‌كشه‌ممه ساعه‌ت ١ی دوای نیوه‌رۆ رێكه‌وتی ٢٨ی خه‌زه‌ڵوه‌ری ١٣٩٦ی هه‌تاوی (١٩ی نۆڤه‌مبه‌ری ٢٠١٧ی زایینی) كۆرێكی پرسه‌و ماته‌مین بۆ زێنه‌ب خانمی شه‌ره‌فكه‌ندی له شاری ستۆكهۆڵمی سوئێد له لایه‌ن بنه‌ماڵه‌ی ناوبراوه‌وه پێكهات.

زێنه‌ب خانمی شه‌ره‌فكه‌ندی خوشکی شەهیدی مه‌زن دوکتور سادق شەرەفکەندی سکرتێری گشتی پێشووی حیزبی دێموکرات و هەروەها مامۆستا هه‌ژاری نووسه‌رو شاعیری نه‌ته‌وه‌ی كوردە کە رۆژی چوارشه‌ممه رێكه‌وتی ٢٥ی خه‌زه‌ڵوه‌ری ١٣٩٦ی هه‌تاوی لە شاری مەهاباد بۆ هەمیشە ماڵئاوایی له ژیان كرد.

پێویسته بگوترێ كه زێنه‌ب خانم دایکی شەهیدی نه‌مر مەحموود حەسەن خاڵی پێشمەرگەی قارەمانی حیزبی دێموکرات کە لەساڵی ١٣٦٥ی هه‌تاوی لە نێوریزی تێكۆشه‌رانی دێموكرات له شەری بەرگری لە کوردستاندا شەهید بووە و هەروەها کچێکی بە ناوی جەمیله حەسەن خاڵی لە وڵتی سوئید وهفادار به رێبازی شه‌هیدان و حیزبی دێموكرات درێژه به كارو تێكۆشانی سیاسی خۆی ده‌دا.

ناوبراو ژنێکی نیشتمانپەروەرو خاوەن هەستێکی نەتەوەیی بەرز و جێگای متمانەی خەڵکی کوردستان و بەتایبەت مهاباد بوو.

تەرمی زەینەب خانم لە خانەقای شێخی بورھان، لە پەنا گڵکۆی باب و باپیرانی لە نێو ئاپۆرای خەڵکی شاری مەهاباد بە خاک ئەسپێردرا.

شایانی باسە له كۆری پرسه‌ی زەینەب خانمی شەرەفکەندیدا شاندێكی حیزبی دێـموکراتی کوردستان ئێران پێکهاتوو لە کاک ئەمیر سوڵتانی وکاک قادر میهفەر بە نوێنەرایەتی  كۆمیته‌ی سوئێد بەشداریی ئەو ڕێوڕەسمەیان کرد.

لەو ڕێوڕەسمە ماتەمینەدا دەیان کەس لە کەسایەتی سیاسی كوردو ئێرانی و چەندین حیزبی هه‌ر چوار پارچه‌ی كوردستان بەشدار بوون و هاوخه‌میان له‌گه‌ڵ بنه‌ماڵه‌ی زەینەب خانمدا ده‌ربری.

تێبينيى
ئامادەکردن...