چاوپێکه‌وتن له‌گه‌ڵ به‌رپرسی ناوه‌ندی نێونه‌ته‌وه‌یی ئۆڵۆف پاڵمه‌ ـ ستۆکهۆڵم

رێکه‌وتی 27 ـ 9 ـ 2017 نوێنه‌ری پیوه‌ندییه‌کانی حدکا له‌ وڵاتی سوید حه‌مید ته‌یموری به‌مه‌به‌ستی دیدار و جاوپیکه‌وتن له‌گه‌ڵ به‌رپرسی ناوه‌ندی نێونه‌ته‌وه‌یی ئۆڵۆف پاڵمه‌ خاتوو ئانا سوێندسرۆم Anna Sundström به‌فه‌رمی چووه‌ ئه‌و ناوه‌نده‌. ئه‌م چاوپێکه‌وتنه‌ له‌ کاتژمێر 2ی پاش نیوه‌ڕۆ تاکو 3ی پاش نیوه‌ڕۆی خایاند و له‌و دیداره‌دا له‌ سه‌ر کوردستان و ناوچه‌که‌ ئه‌م خاڵانه‌ی خواره‌وه‌یان تاوتوێ کرد:
ـ ته‌وه‌ری یه‌که‌می باسه‌که‌ له‌سه‌ر هه‌ڵبژاردنی گشتپرسی له‌ باشور کوردستان بوو که‌ خاتوو ئانا کۆمه‌ڵێک پرسیاری هینایه‌ به‌ر باس که‌ هه‌ڵبژاردنه‌که‌ چۆن بووه‌ و حدکا چ رۆڵێکی هه‌بووه‌؟ نوێنه‌ری پیوه‌ندییه‌کانیش باسی گشتپرسی کرد و وتی که‌ هه‌ڵبژاردن له‌ که‌شو هه‌وایه‌کی دیموکراتیانه و سه‌رده‌میانه‌ بووه‌، هه‌موو که‌س ئازادانه‌ چوونه‌ته‌ سه‌ر سندوقی ده‌نگدان و ده‌نگی خۆیان داوه‌.‌ پێش بینییه‌کان پیشان ده‌ده‌ن که‌ سه‌ره‌وه‌ی 90 له‌سه‌دا خه‌ڵک ده‌نگی بۆ سه‌ربه‌خۆیی داوه‌. نوێنه‌ری پێوه‌ندییه‌کان وتی هه‌ر له‌ سه‌ره‌تایی باس کردنی گشتپرسی حدکا پشتیوانی له‌و پرسه‌ کردووه‌و ئاماده‌گی خۆشی پیشان داوه‌ که‌ هه‌ر کارێک به‌ حدکا بسپێرن ئاماده‌ی جێ به‌جێی کردنیه‌تی. هه‌ر له‌و بواره‌شدا حدکا بۆ پشتیوانی و هاندانی خه‌ڵک بۆ ده‌نگدان که‌رنه‌ڤاڵی رێک خست و کۆمه‌ڵێک که‌سایه‌تی به‌ ئاماده‌بوونی ڕێبه‌ری حدکا ئه‌و که‌رنه‌ڤاڵه‌یان به‌ڕێوه‌ برد. خاتوو ئانا کۆمه‌ڵێک کێشه‌ی باس کرد و هیوای خواست وڵاتانی ده‌وروبه‌ر تێبگه‌ن و کێشه‌کان نه‌بنه‌ هۆی هه‌ڵگیرسانی شه‌ڕ له‌ ناوچه‌که‌و هیوای خواست که‌ وڵاتانی ئۆرووپاو زلهێزه‌کانیش یارمه‌تیده‌ر بن بۆ چاره‌سه‌ری کێشه‌کان.
ـ ته‌وه‌ری دووهه‌م باسی حدکا بوو که‌ نووێنه‌ری پێوه‌ندییه‌کان به‌ کورتی باسی هه‌لومه‌رجی حدکای کرد که‌ پێشمه‌رگه‌ ده‌ستی به‌ چالاکی کردووه‌و به‌رده‌وام له‌ نێو خه‌ڵکدان له‌ رۆژهه‌ڵاتی کوردستان و هه‌لومه‌رجه‌که‌ گۆڕاوه‌و کۆماری ئیسلامیش هه‌رده‌م له‌ هه‌ڕه‌شه‌ کردندایه‌ بۆ سه‌ر حدکا و ئۆپۆزیسیۆنی کوردی ئیرانی. ئه‌وه‌یه‌ که‌ خه‌ڵکی شاره‌کانی سنه‌، بۆکان، بانه‌، مهاباد و کرماشان بۆ پستیوانی رێفراندۆم تیکڕا رژانه‌ شه‌قامه‌کان و ده‌ستیان کردووه‌ به‌ خۆشی و شایی کردن. هه‌ر بۆیه‌ کۆماری په‌ت و سێداره‌ ترسی لێ نیشتووه‌و په‌یتا په‌یتا هه‌ڕه‌شه‌ له‌ کوردستانیان ده‌کا.
ـ ته‌وه‌ری سێهه‌م باسی ڕێکخراوه‌کانی حدکامان کرد که‌ پێکهاتوون له‌ یه‌کیه‌تی ژنان، لاوان، خوێندکاران. نوێنه‌ری پێوه‌ندییه‌کان باسی چالاکی ژنان و خوێندکاران و لاوانی کرد له‌ کوردستان و ته‌نانه‌ت له‌ زۆربه‌ی وڵاتانی ئۆرووپایش ئه‌م ڕێکخراوانه‌ بوونیان هه‌یه‌ و به‌تایبه‌تی له‌ سوید ئه‌م ڕێکخراوانه‌ زۆر چالاکن و ته‌نانه‌ت زۆربه‌ی ئه‌م لاوانه‌ش له‌گه‌ڵ ژنانیش ئه‌ندامی لاوانی سوسیال دیموکرات و سوسیال دیموکراتن و زۆریش له‌و بوارانه‌دا چالاکن. یان وتی کۆمه‌ڵێک له‌ ئه‌ندامانی حدکاش پۆستی به‌رزیان له‌ نێو داموده‌زگای سوسیال دیمکرات هه‌یه‌ و له‌ ناوه‌نده‌کاندا چالاکیه‌کانیان به‌رچاون. هه‌ر بۆیه‌ ئه‌م ڕێکخراوانه‌ پێویستیان به‌ پاڵپشتی ئێوه‌ هه‌یه‌ له‌ هه‌موو بواره‌کاندا و ته‌نانه‌ت ئه‌وه‌ی من مه‌به‌ستمه‌ له‌ کوردستاندا زۆر پێویستیان به‌ ئه‌م ناوه‌ندانه‌ی وه‌ک ناوه‌ندی نێونه‌ته‌وه‌یی ئۆڵۆف پاڵمه‌ هه‌یه‌ که‌ بۆ خۆتان به‌تایبه‌تی له‌ بواری پرسی مافی مرۆڤ زۆر پڕپاگه‌نده‌ ده‌که‌ن، که‌ یارمه‌تی هه‌موو ئه‌و ڕێکخراوانه‌ ده‌ده‌ن که‌ بۆ پرسی مافی مرۆڤ تێده‌کۆشن. رێکخراوه‌کانی حدکاش چالاکیه‌کانیان هه‌موو له‌و بوارانه‌دایه‌ و به‌تایبه‌تی تێده‌کۆشن بۆ ئازادی میلله‌ته‌که‌یان له‌ به‌رانبه‌ر دوژمنی دڕنده‌ی وه‌ک رژیمی ئاخوندی ئێران. باسی ئه‌وه‌شم کرد که‌ چالاکی ئه‌م رێکخراوانه‌ سنورداره‌ و ناتوانن به‌ دڵی خۆیان چالاکی ئه‌نجام بده‌ن له‌ کوردستان. هه‌ر بۆیه‌ داخوازی ئێمه‌ ئه‌وه‌یه‌ که‌ ئێوه‌ له‌م ناوه‌نده‌ به‌ رێنمایی و پێشنیاری خۆتان و ته‌نانه‌ت مادی مه‌عنه‌وی یارمه‌تی ده‌ربن.
خاتوو ئانا باسی کرد که‌ ئه‌وه‌ی له‌ ده‌ستیان بێ هاوکاری ده‌که‌ن له‌ داهاتووداو وتی ئاگامان له‌ چالاکییه‌کانی یه‌کتر ده‌بێ. ناوبراو سپاسی نوێنه‌ری پێوه‌ندییه‌کانی کرد بۆ زانیارییه‌کانی له‌ سه‌ر ڕێکخراوه‌کان و جه‌ختیشی له‌وه‌ کرده‌وه‌ که‌ له‌ داهاتوودا ئه‌م چاوپێکه‌وتنانه‌ درێژه‌ی هه‌بێ و هیوای خواست که‌ پرسی کورد به‌ ئاشتیانه‌ و به‌ بێ شه‌ڕ چاره‌سه‌ر بکرێ.
نوێنه‌ری پێوه‌ندییه‌کانی حدکاش سپاسی ناوبراوی کرد بۆ ئه‌و کاته‌ی به‌ ئێمه‌ی داو به‌ حه‌وسه‌له‌وه‌ گوێ بۆ وته‌کانمان گرت و داوای سه‌رکه‌وتنی زیاتر و پێشه‌وه‌ چوونی ناوه‌نده‌که‌یان کرد.

تێبينيى
ئامادەکردن...